सभापतिले बोलाए कांग्रेस केन्द्रीय कार्यसमितिको आकस्मिक बैठक

२५,बिहीबार १६:०७   Sangita Rai

काठमाडौँ २५ माघ । प्रधानमन्त्री एवं नेपाली कांग्रेसका सभापति शेरबहादुर देउवाले पार्टी केन्द्रीय कार्यसमितिको आकस्मिक बैठक बोलाएका छन् । केन्द्रीय कार्यालयद्वारा बिहीबार जारी विज्ञप्तिमा बैठक शुक्रबार बिहान प्रधानमन्त्री निवास बालुवाटारमा बस्ने उल्लेख छ ।

सभापति देउवानिकट केन्द्रीय सदस्य ज्ञानेन्द्रबहादुर कार्कीले बैठकमा पार्टीबाट प्रतिनिधिसभाको समानुपातिक सिटमा क–कसलाई पठाउने भन्नेबारे छलफल हुने भएको छ । कांग्रेसले प्रतिनिधिसभाको समानुपातिकतर्फ ४० सिट जितेको छ ।

बैठकबाट निर्णय गराई पार्टीले समानुपातिकतर्फ बुझाएको १ सय १० उम्मेदवारको सूचीबाट शुक्रबार नै महिला, दलित, आदिवासी जनजाति, मुस्लिम, मधेसी, खस आर्य, पिछडिएको क्षेत्र क्लस्टर मिलाएर प्राथमिकता क्रमअनुसार ४० जनाको नाम तय गरेर निर्वाचन आयोगलाई बुझाउने छ । आयोगले शुक्रबार नै प्रतिनिधिसभाको १ सय १० समानुपातिक सिटमा विजयी उम्मेदवार घोषणा गर्दैछ ।